Friday, April 01, 2005

கங்குலி ???

திருவாளர் கிரிக்கெட் ரசிகர் ஒரு அரசு அலுவலகத்திற்கு செல்கிறார். அங்கு லஞ்சம் கேட்கிறார்கள். கொடுக்கிறார். வெளியே வருகிறார் டிராபிக் போலீஸ் ஓரம் கட்டுகிறார். இவரும் மால் வெட்டுகிறார். ஓட்டு போட்ட அரசியல்வாதி காணாமல் போய் விடுகிறார். சகஜம் தானே. கண்டுகொள்ளாமல் விட்டு விடுகிறார். கிரிக்கெட் பார்க்கிறார். கங்குலி அவுட் ஆகிறார். வருகிறதே கோபம். முதலில் இவனை தூக்க வேண்டும் என்று கர்ஜிக்கிறார். தன் கடமையில் இருந்து தவறிய கங்குலியை நீக்க வேண்டாமா ?

ஊரெல்லாம் இது தான் பேச்சு.

இமெயிலை திறந்தால் கங்குலியை பற்றிய ஜோக்ஸ் தான் இப்பொழுது பிரபலம். சர்தார் ஜோக்கையெல்லாம் நம் ஆட்கள் மறந்து போய் விட்டார்கள். இன்று அப்படி தான் இந்த ஜோக்கை பார்த்தேன்.

இந்திய ரயில்வே துறையினர் கங்குலியிடம் வருகிறார்கள். எங்கள் ரயில்வேயில் எந்த ரயிலும் குறித்த நேரத்தில் போய் விட்டு வருவதில்லை. நீங்கள் மட்டும் போன வேகத்திலேயே சீக்கிரமாக வந்து விடுகிறீர்களே, அந்த ரகசியத்தை சொல்லுங்களேன் என்று கேட்கிறார்களாம்.

வேகப்பந்து வீச்சாளர் அக்தர் தன் ரன் அப்பை பாதியாக குறைப்பது என்று முடிவு செய்து விட்டாராம்.
ஏன் ?
அக்தர் ஓடி வருவதற்குள் கங்குலி பெவிலியனுக்கு சென்று விடுகிறாராம்.

அனைத்து பத்திரிக்கைகளிலும் கங்குலியின் சோகமான படங்கள். ஒரு பத்திரிக்கையில் கங்குலி எங்கேயோ வானத்தை வெறிக்க பார்த்து கொண்டிருக்கிறார். மற்றொன்றிலோ தரையை பார்த்து கொண்டிருக்கிறார். பல பத்திரிக்கைகளில் கிண்டலான கார்டூன்கள்.

இந்திய கிரிக்கெட்டில் கங்குலியின் சகாப்தம் முடிவுக்கு வருகிறதா ? இந்தியாவின் Most Successful and admired captain அவ்வளவு தானா ?

சூம்பிக் கிடந்த இந்திய அணியை உலக கோப்பை வெல்லும் நிலைக்கு கொண்டு சென்ற கங்குலி இனி மேல் அணியில் கூட இருக்க மாட்டாரா ?

இந்திய அணி தேர்வில் இருந்த பிராந்திய உணர்வுகளை கலைந்து திறமைக்கு மட்டுமே முக்கியத்துவம் கொடுத்து திறமையுள்ளவர்களை அணிக்குள் கொண்டு வந்து இந்திய அணியை ஒரு வலுவான அணியாக உருமாற்றிய கங்குலி இனி என்ன செய்யப் போகிறார்.

2003ம் ஆண்டு ஆஸ்திரேலியா சுற்றுப் பயணம். இந்திய அணி எத்தனை போட்டியில் தோற்கும். நான்கு டெஸ்டிலும் தோற்குமா ? இல்லை ஒன்றையாவது டிரா செய்யுமா என்று பத்திரிக்கைகள் கேள்வி எழுப்ப கொல்கத்தா இளவரசன் அதிரடியாக முதல் டெஸ்டில் அடித்த சதம் தான் எத்தனை அற்புதமானது. சுற்றுபயணத்தின் போக்கையே மாற்றிய சதம் அல்லவா அது ?

பாக்கிஸ்தானுக்கு எதிராக சகாரா கோப்பையில் மட்டையையும் சுழற்றி, பந்தையும் சுழற்றி பெற்று கொடுத்த வெற்றிகளை மறந்து விட முடியுமா ? இல்லை லண்டன் மைதானத்தில் தன் சட்டையை சூழற்றிய அந்த ஆவேசத்தை தான் மறக்க முடியுமா ?

வெற்றி பெற வேண்டிய போட்டிகளில் கூட தோல்வியடைந்து கொண்டிருந்த இந்திய அணியை, தோல்வியின் விளிம்புக்கு சென்ற போட்டிகளில் கூட வெற்றி வாகை சூட வைத்த அணித்தலைவரை இனி நாம் காணமுடியாதா ?

எந்த சகாப்தமும் முடிவுக்கு வரத் தான் வேண்டும். ஆனால் இது கங்குலியின் சகாப்தம் முடிவுக்கு வரும் தருணம் அல்ல.

இன்று கங்குலி மற்றொரு சாதனையின் விளிம்பில் இருக்கிறார். 10,000 ரன்களை எட்டிப் பிடிக்க போகிறார். பிடித்து விடுவாரா ?

பிடித்து விடுவார் என்ற நம்பிக்கையுடன் தொலைக்காட்சி முன் அமர்ந்திருக்கிறேன்

3 மறுமொழிகள்:

ந. உதயகுமார் said...

இன்றும் வந்த வேகத்தில் திரும்பப் போய் விட்டார் கங்கூலி. மறுபடியும் ஏமாற்றம்தான். பிட்ச் சரியில்லை என்று அறிந்தவர்கள், தெரிந்தவர்கள் கூறுகிறார்கள். கங்கூலியின் முன்னாள் சாதனைகளையும் அவரது தலைமையில் இந்திய அணி சந்தித்த திருப்பு முனைகளையும் சீர்தூக்கிப் பார்த்திருக்கிறீர்கள். மோகம் மிகுந்த கிரிக்கெட் ரசனையாளர்கள் மத்தியில் இன்றைய ஆட்டத்தின் விளைவுகள் மட்டுமே கண்ணுக்குத் தெரியும். ஏமாற்றத்தைத் தாங்க முடியாத ரசிகர்கள் பழசையெல்லாம் நினைவில் வைத்துக் கொண்டு நடுநிலையில் யோசிக்கப் போவதில்லை.

10:54 PM, April 01, 2005
தமிழ் சசி | Tamil SASI said...

ஏமாற்றம் தான். பிட்ச் நல்ல பேட்டிங் பிட்ச் போலத் தான் தெரிகிறது. காலையில் வேகபந்து வீச்சாளர்களுக்கு சாதகமாக பிட்ச் இருக்கும். ஆனால் 300 ரன்களை பெறக் கூடிய பிட்ச் தான்.

ஆனால் கங்குலி தான் பார்மில் இல்லாத இந்த நேரத்தில் இத்தகைய தருணத்தில் களம் இறங்கியிருக்க கூடாது. ஸ்பின்னர்கள் வரும் நேரத்தில் இறங்கியிருக்கலாம். தன்னுடைய டச்சை பெற்றிருக்கலாம்.

பார்க்கலாம். அடுத்த போட்டியில் நன்றாக விளையாடுவார் என்று எதிர்பார்ப்போம்.

டெஸ்ட் போட்டிகளில் எப்படியிருந்தாலும் ஒரு நாள் போட்டிகளில் கங்குலியின் ரிக்கார்ட் அற்புதமானது.

ஒரே ஒரு போட்டி போதும். இழந்த பார்மை பெற்று விடுவார்.

11:29 PM, April 01, 2005
SVenkat said...

The ones I received in my email are below


1 Mark question. Answer in 1 sentence.

1) If Rahul is "The Wall", what is Ganguly?
Ans: The hole in the wall

2) How can u say "Get Out" to Ganguly politely?
Ans: Ask him to go to bat

3) What is common to a 100 mtrs race and Ganguly's innings?
Ans: They both last for the same time

4) How can Ganguly save time everyday?
Ans: By not bothering to pad up

5) Who is the only cricketer who does not bat, bowl or field and yet
plays international cricket?
Ans: no comments…….

6) Why has Saurav Ganguly been recommended as the fielding coach for
India after retirement?
Ans: No one else can provide catches as easily as Ganguly

7.)Best Seller by Ganguly :
Ans:Back to the Pavillion in 2 minutes

5 marks question

Which are the 5 ways to get the wicket of Ganguly?

Ans:
1) Bowl to rib cage. Ganguly jumps in his place. mistimes pull. Easy
catch for short midwicket
2) bowl good length outswinger. Easy catch to keeper/slip
3) full length delivery at off stump. Easy catch for gully
4) bowl short pitch outside offstump. Ganguly drags on to the stumps
5)bowl a flighted delivery. Earlier Ganguly would hit sixes. Now he
either gets bowled or stumped or catch to close in fielders

8:34 AM, April 05, 2005