தமிழகத்தின் மூன்றாவது பெரிய கட்சி எது ? இது தான் இந்தத் தேர்தலில் எழுந்த ஒரு சுவாரசியமான விவாதம். தங்களுக்கு பாமகவை விட ஒரு இடமாவது அதிகமாக தர வேண்டுமென மதிமுகவும், மதிமுகவை விட நாங்கள் தான் பலமான கட்சி என பாமகவும் போட்டியிட்டன. நாங்கள் தான் தமிழகத்தில் மூன்றாவது பெரிய கட்சி என பாமக தொடர்ந்து கூறி வந்தததும், கடந்த பாரளுமன்ற தேர்தலில் பாமகவிற்கு மதிமுகவை விட அதிக தொகுதிகளை ஒதுக்கியதும் தான் இந்தப் போட்டிக்கு அடித்தளமிட்டது.
உண்மையில் மூன்றாவது பெரிய கட்சி மதிமுகவா ? பாமகவா ?
தமிழகம் முழுவதும் இருக்கும் கட்சியாக மதிமுகவும், கணிசமான இடங்களில் வெற்றி வாய்ப்பை தீர்மானிக்கும் கட்சியாக பாமகவும் உள்ளன. கடந்த தேர்தல்களில் மதிமுக, பாமக தனித்து போட்டியிட்ட பொழுது சுமார் 5% வாக்குகளை பெற்றிருக்கிறார்கள். 5% என்பது ஒட்டுமொத்த தமிழக வாக்கு வங்கியில் 5%. தமிழகமெங்கும் இருக்கும் கட்சி என்று பார்க்கும் பொழுது மதிமுக பெரிய கட்சியாகத் தெரிகிறது. ஏனெனில் பாமக வடமாவட்டங்களில் மட்டுமே உள்ளது.
பாமகவின் 5% ஓட்டுவங்கி என்பது வடமாவட்டங்களில் உள்ள ஓட்டுகள் மட்டும் தான். தமிழகத்தின் மொத்த வாக்குகளை கொண்டு பாமகவின் ஓட்டு சதவீதத்தைப் பார்ப்பது சரியான கணக்கு அல்ல. வடமாவட்ட வாக்குகளை மட்டுமே கொண்டு பார்க்கும் பொழுது, வடமாவட்டங்களில் சுமாராக 15%வாக்கு வங்கி உடைய கட்சியாக பாமக உள்ளது. சில தொகுதிகளில் இது 30-40% வாக்குகளாகவும் உள்ளன. 1996 தேர்தலில் தனித்துப் போட்டியிட்ட பாமக 4 தொகுதிகளில் வெற்றி பெற்றது. சில தொகுதிகளில் இரண்டாம் இடத்தைப் பெற்றது. இந்த தேர்தலில் கடுமையான "ஜெ எதிர்ப்பு அலை" இருந்தது என்பதும் குறிப்பிடத்தக்கது. வடமாவட்டங்களில் உள்ள சுமார் 70 தொகுதிகளில் வெற்றியை நிர்ணயிக்கும் சக்தியாக பாமக உள்ளது. இதனால் தான் தேர்தல் காலத்தில் பாமகவிற்கு எப்பொழுதும் மவுசு அதிகமாக உள்ளது. அவர்களும் அதிக இடங்கள் கொடுப்பவர்களிடம் தாவிக் கொண்டிருக்கிறார்கள்.
இதற்கு மாறாக மதிமுக மாநிலமெங்கும் இருப்பதால் அதன் 5% ஓட்டுகள் மாநிலமெங்கும் பல இடங்களில் பரவலாக பெற்ற வாக்குகளாக உள்ளன. சில இடங்களில், குறிப்பாக தென்மாவட்டங்களில் கணிசமான ஆதரவு இருந்தாலும் எத்தனை தொகுதிகளில் வெற்றி பெறும் சக்தியாக உள்ளது என்பதை பார்க்கும் பொழுது சுமாராக 30-50 தொகுதிகளில் மட்டுமே வைகோவிற்கு கணிசமான ஆதரவுள்ளது. 1996, 2001 ஆகிய இரு தேர்தல்களில் தனித்து போட்டியிட்ட மதிமுக ஒரு தொகுதியில் கூட வெற்றிப் பெற வில்லை. 1996ல் "ஜெ எதிர்ப்பு அலை" என்று கூறினாலும் 2001ல் மதிமுகவிற்கு ஏற்பட்டது கடுமையான சரிவு என்பதில் மாற்று கருத்து இருக்க முடியாது.
ஒரு விஷயத்தை தமிழக அரசியலில் பலர் உணர்ந்து கொள்வதேயில்லை (தினமலர் போன்ற பத்திரிக்கைகளின் பிரச்சாரம் காரணமாக இருக்கலாம்). தமிழக அரசியலை கூர்ந்து கவனிப்பவர்களுக்கு இந்த உண்மை தெரியும்.
பாமக, மதிமுக இந்த இரண்டு கட்சிகளின் வாக்கு வங்கியும் ஒரே அளவாக உள்ளவையே. மதிமுகவிற்கு பாமகவை விட சற்று அதிக ஓட்டுக்கள் உள்ளன என்று வைத்துக் கொண்டால் கூட மதிமுக கூட்டணிக்கு வெற்றி தேடி தரும் கட்சி அல்ல.
எப்படி ?
இரண்டு கட்சிக்கும் சுமாராக 15லட்சம் ஓட்டுக்கள் உள்ளன.
பாமகவின் ஓட்டுகள், "சில" மாவட்டங்களில் மட்டுமே பெறப்படும் ஓட்டுகள். அதாவது சுமாராக உள்ள 80-90லட்சம் வடமாவட்ட ஓட்டுகளில் பெறப்பட்டவை. 80-90லட்சம் ஓட்டுகளில் 15லட்சம். ஆனால் மதிமுகவின் ஓட்டுகள் தமிழகமெங்கும் பெறப்பட்டவை. சுமார் 2.5கோடி வாக்குகளில் 15லட்சம் ஒரே இடத்தில் Concentratedஆக இருக்கும் பாமகவின் ஓட்டுகள் வடமாவட்ட தொகுதிகளில் வெற்றியை நிர்ணயிக்கின்றன.
ஆனால் மதிமுகவின் ஓட்டுக்கள் தமிழகமெங்கும் சிதறி இருப்பதால் சில தொகுதிகளில் மட்டுமே வெற்றியை நிர்ணயிக்க கூடியதாக உள்ளன.
"தமிழகமெங்கும் இருக்கும் கட்சியாக" ஆனால் 15லட்சம் ஓட்டுக்களைப் பெறும் கட்சியாக மதிமுக இருப்பது அதன் பலவீனம். ஆனால் சில மாவட்டங்களில் மட்டுமே இருப்பது தான் பாமகவின் பலம்.
தமிழகமெங்கும் இருக்கும் கட்சி என்பதும், தமிழகமெங்கும் ஒரு கட்சிக்கு அமைப்பு ரீதியாக பலம் இருக்கிறது என்பதை மட்டும் கொண்டு அந்தக் கட்சி பலமான கட்சி என்று முடிவு செய்து விட முடியாது. தமிழகமெங்கும் இருக்கும் கட்சி என்று பார்த்தால் பல தேசிய கட்சிகள் தமிழகமெங்கும் உள்ளன. காங்கிரஸ், பாஜக, கம்யுனிஸ்ட்கள் போன்றவையும் தமிழகமெங்கும் உள்ள கட்சி தான்.
மதிமுக பலவீனமான கட்சி என்றும் நான் சொல்ல வில்லை. பாமகவுடன் ஒப்பிடும் பொழுது மதிமுக பலம் குறைந்த கட்சி என்பது தான் எனது வாதம்.
மதிமுகவின் ஓட்டுக்களை நீங்கள் தொகுதிவாரியாக அலசினால் பல தொகுதிகளில் 1000க்கும் குறைவான ஓட்டுக்கள், சில தொகுதிகளில் 2000, 5000, வெகு சில தொகுதிகளில் மட்டுமே 10,000க்கும் மேற்பட்ட வாக்குகளை பெற்றிருக்கிறார்கள். அதாவது தமிழகமெங்கும் போட்டியிட்டு 15லட்சம் ஓட்டுக்கள் பெற்றிருக்கிறார்கள்.
ஆனால் பாமக பலமாக இருக்கும் பல தொகுதிகளில் 15,000 ஓட்டுக்கள், சில தொகுதிகளில் 30,000 ஓட்டுக்கள் சில தொகுதிகளில் தனித்து போட்டியிட்ட பொழுது பெற்ற இரண்டாமிடம், 4 தொகுதிகளில் "ஜெ எதிர்ப்பு அலையின்" பொழுதும் கூட பெற்ற வெற்றியையும் கவனிக்க வேண்டும். மிக சொற்பமான தொகுதிகளில் (50-70 இருக்கும்) அவர்கள் பெற்ற ஓட்டுக்கள் 15லட்சம்.
ஒரு தொகுதியின் சராசரி வாக்குகளை கணக்கிட்டால் 15லட்சம்/70 = சுமாராக 20ஆயிரம் ஓட்டுக்கள் வருகிறது.
மாறாக மதிமுக 15லட்சம்/200 = சுமாராக 7500 மட்டுமே
பாமக 50தொகுதிகளில் பலமாக இருக்கிறது என்று கணக்கிட்டால் கூட பாமகவிற்கு வழங்கப்படும் 25 தொகுதிகள் போக மீதம் உள்ள 25தொகுதிகளில் கூட்டணியை வெற்றி பெறச் செய்கின்றனர்.
இதனால் தான் திமுக பாமகவை தன்னுடைய முக்கியமான கூட்டாளியாக கருதுகிறது.
சட்டமன்றத்தில் கணிசமான உறுப்பினர்கள், பாராளுமன்றத்தின் இரு அவைகளான லோக்சபா, ராஜசபா போன்றவற்றில் பிரதிநிதித்துவம், காபினட் அமைச்சர் என பாமக ஒரு அரசியல் கட்சிக்கான அனைத்து நிலைகளிலும் வளர்ச்சிப் பெற்றுள்ளது. இன்னும் மாநில அமைச்சரவை தான் பாக்கி. வரும் நாட்களில் தமிழகத்தில் கூட்டணி ஆட்சி ஏற்படும் நிலை ஏற்பட்டால் ஏதேனும் ஒரு கூட்டணியில் சேர்ந்து அந்த நிலையையும் அடைந்து விடுவார்கள்.கடந்த காலங்களில் பாண்டிச்சேரியில் ஆட்சியை பிடிக்கப் போவதாக முழங்கிக் கொண்டிருந்தார்கள். பாண்டிச்சேரியில்
திமுக-காங்கிரஸ்-பாமக கூட்டணி வெற்றி பெற்றால் பாமக கூட்டணி ஆட்சியில் இடம் பிடிக்கக் கூடிய வாய்ப்பு இருக்கிறது.
மாறாக மதிமுகவால் இது வரையில் சட்டமன்றத்தில் நுழைய முடியவில்லை. இது வரை ஒரு அரசியல் சக்தியாக மதிமுகவால் வளர முடியவில்லை.
கடந்த கால வெற்றிகளையும், அரசியல் பலத்தையும், தொண்டர் பலத்தையும் கொண்டு பார்க்கும் பொழுது தமிழகத்தின் மூன்றாவது பெரிய கட்சி பாட்டாளி மக்கள் கட்சி தான் என்பதில் எந்தவித சந்தேகமும் இல்லை. மதிமுக இன்னும் அந்த நிலைக்கு வரவில்லை.
ஆனால் பாட்டாளி மக்கள் கட்சியின் பலம் ஒரு தேக்க நிலைக்கு சென்று விட்டது என்று தான் கூற வேண்டும். சாதி அடிப்படையிலான கட்சியாக பாமக இருப்பதால் பிற சமூகத்தினர் இந்தக் கட்சியில் இது வரையில் இணைந்ததில்லை. இனி மேலும் இணையும் வாய்ப்புகள் இல்லை. பாமகவை பிற்படுத்தப்பட்ட மற்றும் தலித் மக்களின் இயக்கமாக மாற்ற டாக்டர் ராமதாஸ் மேற்க்கொண்ட முயற்சிகள் தோல்வியையே கண்டன.
மாறாக மதிமுக தன் தளத்தை விரிவுப்படுத்தக் கூடிய வாய்ப்புகள் அதிகம் உள்ளன. சரியான உத்தியை வைகோ உருவாக்கினால் நிச்சயம் 3வது பெரிய கட்சியாகவோ, சந்தர்ப்பம் வாய்த்தால் முதல் - இரண்டாம் இடத்தில் கூட வரலாம். ஆனால் வைகோ எதிர்காலத்தில் மேற்கொள்ளும் யுத்தியை பொறுத்தே அது உள்ளது. வைகோவின் யுத்தியை விட சந்தர்ப்பமும், கொஞ்சம் அதிர்ஷ்டமும் வேண்டும்.
தன்னுடைய கட்சிக்கு 8% வாக்கு வங்கி உள்ளதாக வைகோ தெரிவித்து இருக்கிறார். இந்த தேர்தலில் அது உண்மையா என்று தெரிந்து விடும்.
இந்த தேர்தலில் யார் வெற்றி பெறுகிறார்கள் என்பதைப் பொறுத்தே மூன்றாவது பெரிய கட்சி பற்றிய கேள்விக்கும் விடை கிடைக்கும். ஆனால் தற்போதைய நிலையில் பாமக தான் மூன்றாவது பெரிய கட்சி என்பது வைகோவிற்கு கசப்பளிக்கும் உண்மை.
Sunday, March 05, 2006
3வது பெரிய கட்சி : மதிமுகவா ? பாமகவா ?
By தமிழ் சசி | Tamil SASI | நேரம் 3/05/2006 12:36:00 AM
குறிச்சொற்கள் தமிழக அரசியல், தேர்தல் 2006
Subscribe to:
Post Comments (Atom)
26 மறுமொழிகள்:
// தொண்டர் பலத்தையும் கொண்டு பார்க்கும் பொழுது தமிழகத்தின் மூன்றாவது பெரிய கட்சி பாட்டாளி மக்கள் கட்சி தான் என்பதில் எந்தவித சந்தேகமும் இல்லை//
12:53 AM, March 05, 2006சசி மூன்றாவது பெரிய கட்சி பாமகவும் இல்லை மதிமுகவும் இல்லை, காங்கிரஸ் தான் என்பது எனது கருத்து, காங்கிரசில் தலைவர்களும் அதிகம் காங்கிரசிற்கு வாக்களிப்பவர்களும் அதிகம் ஆனால் இரண்டிற்கும் இடையில் இருக்கும் தொண்டர்கள் தான் மிகக்குறைவு...
ம்... இந்த பதிவை நான் எழுதியிருந்தால் சுற்றி சுற்றி அடித்திருப்பார்கள் என் சார்பு நிலைகளெல்லாம் என்ன எழுதியிருக்கிறேன் என்றே பார்க்காமல் விமர்சிக்கப்பட்டிருக்கும்.
Since I come from Coimbatore dist I don't have much knowledge about PMK.As Sasi mentioned PMK has strong hold in 6 or 7 district in North Tamilnadu.All the time PMK want to contest seats among only those district.So they occupy most of their strong hold(say 70%) for them self.Though it's a 3 rd largest party ,what's the point of having PMK in alliance when they have very less to offer to their alliance partners?
12:54 AM, March 05, 2006குழலி,
1:05 AM, March 05, 2006இன்னொன்றை மறந்து விட்டேன். கடந்த காலங்களில் தமிழ் மாநில காங்கிரசை காட்டிலும் தாங்கள் தான் பெரிய கட்சி என ராமதாஸ் கூறியிருக்கிறார். மூன்றாவது இடம் மீது ராமதாசுக்கு அப்படி என்ன கவர்ச்சியோ தெரியவில்லை.
அதே சமயத்தில் ஒரு பாரளுமன்ற தேர்தலில் தமிழ் மாநில காங்கிரஸ் தனித்து போட்டியிட்டு தோல்வியடைந்ததை நீங்கள் அறிந்திருக்கலாம்.
காங்கிரசிஸ் நிச்சயமாக மூன்றாவது பெரிய கட்சி இல்லை.
/*
ம்... இந்த பதிவை நான் எழுதியிருந்தால் சுற்றி சுற்றி அடித்திருப்பார்கள்
*/
:-))))
Gopalan,
1:11 AM, March 05, 2006/*
Though it's a 3 rd largest party ,what's the point of having PMK in alliance when they have very less to offer to their alliance partners?
*/
கூட்டணியில் பாமக வெற்றி பெறுகிறது என்றால் எதிர் அணி அந்த இடங்களில் தோல்வி அடைகிறது என்பது தானே அர்த்தம். இது கூட்டணிக்கு நல்லது தானே :-)
But it's true to some extent that PMK reaps more benefits
//வைகோ எதிர்காலத்தில் மேற்கொள்ளும் யுத்தியை பொறுத்தே அது உள்ளது. வைகோவின் யுத்தியை விட சந்தர்ப்பமும், கொஞ்சம் அதிர்ஷ்டமும் வேண்டும்.//
1:19 AM, March 05, 2006வைகோவின் உத்திகள் தான் ஒரு பெரிய அரசியல் கட்சியாக மதிமுக மாறுவதைத் தடுக்கின்றன. சந்தர்பங்கள் வாய்க்கவே செய்தன. கடைசியாக அவர் தவறவிட்ட சந்தர்பம் அவரது கைது. இராமதாஸ் அப்படி கைது செய்யப்பட்டிருந்தால் எப்படி அதைக் கட்சியை பலப்படுத்த பயன்படுத்தி இருப்பார்.
வைகோவின் ஊசலாட்டத்திற்கு வேறுபல காரணங்கள் இருந்தாலும் இந்த மூன்றாவது பெரிய கட்சி எது என்ற ஈகோவும் ஒரு காரணம். ராமதாசும் அதே ஈகோவைக் கொண்டிருப்பதால் கருணாநிதி வழக்கம்போல பாமகவுக்கு மூன்றாவது இடத்தைக் கொடுக்க வேண்டியிருந்தது.
6:19 AM, March 05, 2006ஒரு விஷயத்தை தமிழக அரசியலில் பலர் உணர்ந்து கொள்வதேயில்லை (தினமலர் போன்ற பத்திரிக்கைகளின் பிரச்சாரம் காரணமாக இருக்கலாம்).
8:45 AM, March 05, 2006தமிழக அரசியலை கூர்ந்து கவனிப்பவர்களுக்கு இந்த உண்மை தெரியும்.
பாமக, மதிமுக இந்த இரண்டு கட்சிகளின் வாக்கு வங்கியும் ஒரே அளவாக உள்ளவையே. மதிமுகவிற்கு பாமகவை விட சற்று அதிக ஓட்டுக்கள் உள்ளன என்று வைத்துக் கொண்டால் கூட மதிமுக கூட்டணிக்கு வெற்றி தேடி தரும் கட்சி அல்ல.
எப்படி ?
இரண்டு கட்சிக்கும் சுமாராக 15லட்சம் ஓட்டுக்கள் உள்ளன.
பாமகவின் ஓட்டுகள், "சில" மாவட்டங்களில் மட்டுமே பெறப்படும் ஓட்டுகள். அதாவது சுமாராக உள்ள 80-90லட்சம் வடமாவட்ட ஓட்டுகளில் பெறப்பட்டவை. 80-90லட்சம் ஓட்டுகளில் 15லட்சம்
ஆனால் மதிமுகவின் ஓட்டுகள் தமிழகமெங்கும் பெறப்பட்டவை. சுமார் 2.5கோடி வாக்குகளில் 15லட்சம்
ஒரே இடத்தில் Concentratedஆக இருக்கும் பாமகவின் ஓட்டுகள் வடமாவட்ட தொகுதிகளில் வெற்றியை நிர்ணயிக்கின்றன.
ஆனால் மதிமுகவின் ஓட்டுக்கள் தமிழகமெங்கும் சிதறி இருப்பதால் சில தொகுதிகளில் மட்டுமே வெற்றியை நிர்ணயிக்க கூடியதாக உள்ளன
"தமிழகமெங்கும் இருக்கும் கட்சியாக" ஆனால் 15லட்சம் ஓட்டுக்களைப் பெறும் கட்சியாக மதிமுக இருப்பது அதன் பலவீனம். ஆனால் சில மாவட்டங்களில் மட்டுமே இருப்பது தான் பாமகவின் பலம்
இது தான் கூட்டணியில் பாமகவுக்கு அதிக முக்கியத்துவத்தை பெற்று கொடுக்கிறது.
//கூட்டணியில் பாமக வெற்றி பெறுகிறது என்றால் எதிர் அணி அந்த இடங்களில் தோல்வி அடைகிறது என்பது தானே அர்த்தம். இது கூட்டணிக்கு நல்லது தானே :-)//
9:04 AM, March 05, 2006பாமக வெற்றி பெறும் தொகுதிகளில் கூட்டணிகட்சிகளின் ஓட்டுக்களை சுளையாக பெற்று வெற்றி பெறும் பாமக ,திருச்சிக்கு தெற்கே கூட்டணிக்கு கொடுப்பது கோழிமுட்டை.
ஜோ,
9:13 AM, March 05, 2006நீங்கள் ஏன் திருச்சிக்கு மேற்கே பார்க்கிறீர்கள். திருச்சிக்கு மேற்கே பாமகவிற்கு கிளை கூட இருக்காது.
ஆனால் வடமாவட்டங்களின் பல தொகுதிகளில் 15,000க்கும் மேற்ப்பட்ட வாக்குகள் உள்ள கட்சியாகவே பாமக உள்ளது
1991, 1996 ஆகிய தேர்தல்களில் பாமக தனித்து போட்டியிட்டு பெற்ற வாக்குகளை கொண்டு வடமாவட்ட தொகுதிகளை அலசுங்கள்.
எத்தனை தொகுதிகளில் பாமக வெற்றியை தீர்மானிக்கிறது என்பது தெரியும்
சசி,
9:19 AM, March 05, 2006எனக்கு புரியவில்லை .எனக்கு செல்வாக்கு இருக்கிற தொகுதிகளில் பாதியில் நானே நின்று மற்றவர் ஓட்டையும் வாங்கி ஜெயித்து விடுவேன் .மற்ற தொகுதிகளில் என்னால் எந்த பிரயோஜனமும் இல்லை .இதிலே என்னால் மற்றவர்க்கு என்ன பெரிய லாபம்?பாமக பாதி தொகுதிகள் திருச்சிக்கு தெற்கே பாதி தொகுதிகளில் நின்று மற்றவர் ஓட்டை வாங்கி விட்டு ,தனக்கு செல்வாக்குள்ள தொகுதிகளில் மற்றவரை ஜெயிக்க வைத்தால் நியாயம் உண்டு .பாமக-வுக்கு அப்படி செய்யும் தைரியம் உண்டா?
ஜோ,
9:36 AM, March 05, 2006நான் இங்கு கூறியது வாக்கு வங்கிகள், சில கணக்குகளை குறித்தான அலசல்.
அவ்வாறு பார்க்கும் பொழுது பாமகவின் ஓட்டுக்கள் சில தொகுதிகளில் Concentratedஆக இருப்பதால் தான் அது மதிமுகவை விட பலம் பொருந்திய கட்சியாக தெரிகிறது.
ஆனால் மதிமுகவின் ஓட்டு தமிழகமெங்கும் Fragmented ஆக உள்ளது. அது தான் அதனுடைய பலவீனம்
இதற்கு விரிவான ஆதரங்களையும் என்னால் கொடுக்க முடியும்
/*
பாமக-வுக்கு அப்படி செய்யும் தைரியம் உண்டா?
*/
பாமகவின் நிலைப்பாடு குறித்தோ, அதன் தைரியம் குறித்தோ வாதாட நான் பாமக தொண்டன் அல்ல.
என்னுடைய பார்வையில் பாமகவின் பலம் குறித்து அலசி இருக்கிறேன். அவ்வளவே.
சசி அவர்களே.
10:01 AM, March 05, 2006பெரிய கட்சி என்பது எதன் அடிப்படையில். தொண்டர் பலமா, கையிலிருக்கும் அல்லது வெற்றி பெறபோகும் தொகுதிகளின் எண்ணிக்கையா? தொகுதிகளின் எண்ணிக்கை என்பது தான் அடிப்படை என்றால் பா.ம.க பெரிய கட்சி. வாக்குகளின் எண்ணிக்கை என்றால் ம.தி.மு.க , பா.ம.க போன்றவை கூட்டணியோடு நிற்பதால் இவற்றின் உண்மையான பலம் வெளியே தெருவதில்லை என்பது உண்மை. இரண்டு பேருமே மாறி மாறி தாவி விடும் சந்தர்ப்பவாதியாக இருப்பதால், யார் பெரிய சந்தர்ப்பாவாதி என்று எழுதியிருக்கலாம். ஏனெனில் பெரிய சந்தர்ப்பவாதிதான் பெரிய கட்சி.
//ஆனால் மதிமுகவின் ஓட்டு தமிழகமெங்கும் Fragmented ஆக உள்ளது. அது தான் அதனுடைய பலவீனம்//
10:27 AM, March 05, 2006நான் அதைத்தான் பலமாகவும் ,கூட்டணி அங்கத்தினராக இருப்பதற்கான தகுதியுமாக நினைக்கிறேன்.
//பாமகவின் நிலைப்பாடு குறித்தோ, அதன் தைரியம் குறித்தோ வாதாட நான் பாமக தொண்டன் அல்ல.//
என்ன சசி,நான் அப்படி நினைத்து உங்களைக்கேட்கவில்லை.கூட்டணி கட்சி என்ற முறையில் ப.ம.க மனமுவந்து அவ்வாறு நடந்து கொள்ளும் வாய்ப்பு உள்ளதா என்பது தான் என் கேள்வி.
தமிழகமெங்கும் இருக்கும் கட்சி என்பதும், தமிழகமெங்கும் ஒரு கட்சிக்கு அமைப்பு ரீதியாக பலம் இருக்கிறது என்பதை மட்டும் கொண்டு அந்தக் கட்சி பலமான கட்சி என்று முடிவு செய்து விட முடியாது. தமிழகமெங்கும் இருக்கும் கட்சி என்று பார்த்தால் பல தேசிய கட்சிகள் தமிழகமெங்கும் உள்ளன. காங்கிரஸ், பாஜக, கம்யுனிஸ்ட்கள் போன்றவையும் தமிழகமெங்கும் உள்ள கட்சி தான்.
11:41 AM, March 05, 2006மதிமுக பலவீனமான கட்சி என்றும் நான் சொல்ல வில்லை. பாமகவுடன் ஒப்பிடும் பொழுது மதிமுக பலம் குறைந்த கட்சி என்பது தான் எனது வாதம்.
மதிமுகவின் ஓட்டுக்களை நீங்கள் தொகுதிவாரியாக அலசினால் பல தொகுதிகளில் 1000க்கும் குறைவான ஓட்டுக்கள், சில தொகுதிகளில் 2000, 5000, வெகு சில தொகுதிகளில் மட்டுமே 10,000க்கும் மேற்பட்ட வாக்குகளை பெற்றிருக்கிறார்கள். அதாவது தமிழகமெங்கும் போட்டியிட்டு 15லட்சம் ஓட்டுக்கள் பெற்றிருக்கிறார்கள்.
ஆனால் பாமக பலமாக இருக்கும் பல தொகுதிகளில் 15,000 ஓட்டுக்கள், சில தொகுதிகளில் 30,000 ஓட்டுக்கள் சில தொகுதிகளில் தனித்து போட்டியிட்ட பொழுது பெற்ற இரண்டாமிடம், 4 தொகுதிகளில் "ஜெ எதிர்ப்பு அலையின்" பொழுதும் கூட பெற்ற வெற்றி இதையும் நீங்கள் கவனிக்க வேண்டும். மிக சொற்பமான தொகுதிகளில் (50-70 இருக்கும்) அவர்கள் பெற்ற ஓட்டுக்கள் 15லட்சம்.
ஒரு தொகுதியின் சராசரி வாக்குகளை நீங்கள் கணக்கிட்டால்
15லட்சம்/70 = சுமாராக 20ஆயிரம் ஓட்டுக்கள் வருகிறது.
மாறாக மதிமுக 15லட்சம்/200 = சுமாராக 7500 மட்டுமே
பாமக 50தொகுதிகளில் பலமாக இருக்கிறது என்று கணக்கிட்டால் கூட பாமகவிற்கு வழங்கப்படும் 25 தொகுதிகள் போக மீதம் உள்ள 25தொகுதிகளில் கூட்டணியை வெற்றி பெறச் செய்கின்றனர்.
இதனால் தான் திமுக பாமகவை தன்னுடைய முக்கியமான கூட்டாளியாக கருதுகிறது.
பாமகவும் சரி மதிமுகவும் சரி நிச்சயமாக மூன்றாவது பெரிய கட்சி அல்ல என்று தோன்றுகிறது. அந்த இடம் இப்பொழுது காங்கிரசுக்கு இருப்பதாகத் தோன்றுகிறது. இப்பொழுது நாமாகப் பேசி முடிவுக்கு வருவதை விட..தேர்தல் சொல்லும் முடிவு மிகச்சரியாக இருக்கும் என்றும் தோன்றுகிறது.
12:17 PM, March 05, 2006//மதிமுகவின் ஓட்டுக்களை நீங்கள் தொகுதிவாரியாக அலசினால் பல தொகுதிகளில் 1000க்கும் குறைவான ஓட்டுக்கள், சில தொகுதிகளில் 2000, 5000, வெகு சில தொகுதிகளில் மட்டுமே 10,000க்கும் மேற்பட்ட வாக்குகளை பெற்றிருக்கிறார்கள். அதாவது தமிழகமெங்கும் போட்டியிட்டு 15லட்சம் ஓட்டுக்கள் பெற்றிருக்கிறார்கள்.//
12:39 PM, March 05, 2006பா.ம.க வுக்கு 100 ஓட்டு கூட இல்லாத தொகுதிகள் 50-க்கு மேலும் 100-500 -க்குள் இன்னொரு 50-ம் இருக்குமென நான் நினைக்கிறேன்.
//பாமக 50தொகுதிகளில் பலமாக இருக்கிறது என்று கணக்கிட்டால் கூட பாமகவிற்கு வழங்கப்படும் 25 தொகுதிகள் போக மீதம் உள்ள 25தொகுதிகளில் கூட்டணியை வெற்றி பெறச் செய்கின்றனர்.//
இது கூட்டணிகளுக்குள் வாக்கு வித்தியாசம் எவ்வளவு என்பதை பொறுத்தது .ப.ம.க எந்த சந்தர்ப்பத்திலும் 25 தொகுதிக்கு மேல் கூட்டணி கட்சியின் வெற்றிக்கு பங்களிக்க முடியாது .ஆனால் வெற்றி வித்தியாசம் குறைந்த தேர்தல்களில் மதிமுக 100 தொகுதிகளில் கூட வெற்றிக்கு பங்களிக்க முடியும்.
கூட்டணி என்று வரும் போது ஒரு சில இடங்களில் உள்ள அபரிமிதமான செல்வாக்கை விட குறைவான அளவிலாயினும் பரவலான செல்வாக்கே மற்ற கட்சிகளுக்கு கைகொடுக்கும் என்பது என் கருத்து.
இதற்கு மேல்,பாமக பகுதியில் பாமக கூட்டணி மண்ணைக்கவ்வியதும் நடந்திருக்கிறது.மதிமுக தனித்து 20000-க்கு மேல் பெற்ற தொகுதிகளும் இருக்கின்றன.எங்கள் மாவட்டத்தில் குளச்சல் தொகுதியில் சென்ற தேர்தலில் தி.மு.கவை 3-ம் இடத்துக்கு தள்ளி மதிமுக இரண்டாம் இடம் பிடித்தது .இது ஒரு உதாரணம் தான்
/*
12:44 PM, March 05, 2006என்ன சசி,நான் அப்படி நினைத்து உங்களைக்கேட்கவில்லை
*/
நன்றி ஜோ, எனக்குப் புரிகிறது.
இந்தப் பதிவு ஒரு Arithmetic Analysis மட்டுமே. பிற விவாதங்களால் வேறு ஒரு விவாதத்திற்கு செல்லாமல் முற்றுப்புள்ளி வைக்கவே அவ்வாறு கூறினேன்
இது குறித்து வேறு கோணத்தில் முன்வைக்கப்பட்ட உங்கள் கருத்துகளுக்கு நன்றி
in deciding results what is important is concentrated votes and not fragmented votes
12:46 PM, March 05, 2006a fragmented party may at best erode the winning chances of other parties but cannot get a seat
we dont have proporitional representation in legislature--only the number of seats secured is considered.in that aspect. pmk is the 4 th and mdmk is the 5 th largest parties
/*
12:48 PM, March 05, 2006இப்பொழுது நாமாகப் பேசி முடிவுக்கு வருவதை விட..தேர்தல் சொல்லும் முடிவு மிகச்சரியாக இருக்கும் என்றும் தோன்றுகிறது
*/
ராகவன்,
தேர்தல் முடிந்தப் பிறகு இதைப் பற்றி பேசி என்னப் பயன். இது குறித்து இப்பொழுது அலசினால் தானே சுவாரசியமாக, விவாதத்திற்குரிய விஷயமாக இருக்கும் :-)))
ஜோ,
12:59 PM, March 05, 2006sivagnanamji அவர்கள் கூறியிருக்கும் கருத்து என்னுடைய கருத்தை மிக எளிமையாக தெளிவுபடுத்துவதாக இருக்கிறது
in deciding results what is important is concentrated votes and not fragmented votes
a fragmented party may at best erode the winning chances of other parties but cannot get a seat
we dont have proporitional representation in legislature--only the number of seats secured is considered
/*
மதிமுக தனித்து 20000-க்கு மேல் பெற்ற தொகுதிகளும் இருக்கின்றன
*/
4 தொகுதியில் பாமக வெற்றியே பெற்றிருக்கிறது. 5க்கும் மேற்பட்ட தொகுதிகளில் 30,000க்கும் மேற்பட்ட வாக்குகளை பெற்றிருக்கிறது.
ஆனால் மதிமுகவிடம் இது போன்ற புள்ளிவிபரங்களை காணமுடியவில்லையே ?
மதிமுக வளர்ச்சியடையும் வாய்ப்புகள் இருக்கின்றன. ஆனால் பாமகவிற்கு அது இல்லை.
ஒட்டு மொத்த வாக்கு என்று பார்த்தால் பா.ம.க ம.தி.மு.க இரண்டும் இதுவரை சமமாக தெரியும். ம.தி.மு.க வை அலசும் அனைவரும் ஒன்றை சேர்க்க / கவனிக்க தவறி விட்டார்கள் "வைகோ". வைகோ ஒருவர் போதுமே சுழன்று சுழன்று பிரசாரம் செய்ய. அவரின் பேச்சு திறமையே தனி, அதனால் அல்லவா அவர் உறை வாளாக இருக்க முடிந்தது. நட்சத்திர பிரச்சாரர்கள் என்று சொல்வோமானால் அது இப்போதைக்கு வைகோ தான். கலைஞர் உடல் நலம் அவருக்கு கை கொடுக்காது. வைகோ வால் ம.தி.மு.க அடையும் ஆதாயத்தை விட கூட்டணிக்கு அதிகம் ஆதாயம் உள்ளது.
8:45 PM, March 05, 2006//மதிமுக வளர்ச்சியடையும் வாய்ப்புகள் இருக்கின்றன. ஆனால் பாமகவிற்கு அது இல்லை. //
இதன் காரணமாகவே ம.தி.மு.க பா.ம.க.வை விட பெரிய கட்சியாக எனக்கு தோன்றுகிறது.
கொசுறு: ம.தி.மு.க வின் எதிர்காலம் அவர்கள் வெற்றிபெறும் தொகுதிகளின் எண்ணிக்கையை பொறுத்தே அமையும்.
2-வது பெரிய கட்சியாக கூட்டணியில் உள்ளதால் 40/45 தொகுதிகள் வாங்கியிருந்தால் பாராட்டியிருக்கலாம்.
Kurumban, MKs moves are primarily evolved in reducing the number of seats vaiko will get from JJ. He openly announce 22 only after knowing fully well that vaiko will leave as all the second rank leaders are against alliance with DMK. This defintely reduced vaikos bargaining power with JJ and made him to compromise on 35.
9:28 PM, March 05, 2006Your argument that MDMK has only 5% voter base in TN is based on prev. elections. Since then, Vaiko's influence in TN politics has considerably increase I think - his jail sentence, padayatra, his fiery oratory, his influence in the parliamentary elections - all these may possibly have increased his voter base from 5% to at least 8% as Vaiko claims - Muthu
11:32 PM, March 06, 2006Annony...
12:13 AM, March 07, 2006His padayatra - against JJ and his jail term - due to JJ, his oratory - effectively reduced as he will have to explain why he aligned with J and no issue but for the oft repeated -MK wanting Stalin to be CM, all will have less effect now as he has aligned with JJ. By joining with JJ, he lost many of his weapons. Can anyone check whether in their website MDMK people removed the wordings of removing the atrocious JJ from power and also checked whether Mallai satya started wering white shirt?
Sasi,
7:12 AM, April 06, 2006Your unbiased analysis about the parties is very good. But the analysis is based on very old data, when PMK and MDMK were new to the people. PMK is fully a caste based party, where as in MDMK, is spread across all castes and religion. This provides the growth potential for MDMK.
Now, even after having so many MLA, MP and Ministers, Ramadoss didnt do anything for their people. Also, 10 years ago, Dr Ramadoss used to go the poor peoples' huts and mingle with them freely. But now? This has reduced their vote base. Split within the party also will affect the vote bank.
What about MDMK? Vaiko, even now, will get together with the people in the same way as he was doing 10years ago. In the last one year alone, more than 75000 units of Blood were donated to the poor people from Marumalarchi Blood Bank. People who received the blood and their family will most probably favour MDMK.
Neutral voters who dont have any party bias, has only 4 options - DMK,ADMK,MDMK,DMDK.
Before 2001 elections, Vaiko didnt have the publicity what he has now.
So today, MDMK will be the third biggest party when compared to PMK.
இந்த தேர்தலுக்கு பின்னும் பாமக என்ற கட்சி நிச்சயமாக இருக்கும். மதிமுக என்ற கட்சியே
12:23 PM, April 06, 2006இருக்குமா என்பது சந்தேகம். இந்த முறை தோற்றால் கட்சிக்கு மூடுவிழாதான்.
செயித்தால் கட்சி தேறிவிடும்.
Post a Comment