சசியின் டைரி

11 மறுமொழிகள்:

தயா said...

சசி,

வைகோ திமுக கூட்டணியில் தொடர்ந்திருந்தாலும் அவரை தலைவனாக ஏற்றுக்கொள்வார்களா என்பதே சந்தேகம் தான். அப்படி ஏற்றுக்கொள்வார்கள் என நம்பித்தான மதிமுகவும் இவ்வளவு நாள் காத்திருந்தது. கலைஞரின் வயதை கருதி காத்திருந்திருக்கலாம். ஆனால் அடுத்த தேர்தல் வந்துவிட்டது.

இன்றைக்கு திமுகவிற்கு பயம் வந்துவிட்டது. அதனால் தங்கள் மீது கடந்த முறை போல பழி வராத வண்ணம் காய் நகர்த்தி வைகோவை வெளியில் தள்ளி விட்டார்கள்.

த.மா.க, காங்கிரஸ் கட்சியை பார்த்தால் ஏன் திமுக தொண்டர்கள் ஸ்டாலினை ஏற்றுக்கொள்வார்கள் என புரியும்.

முப்பனாருக்கு பிறகு வாசன் எப்படி தலைவரானார்? யாருக்கு தெரியும் அவரை? பல கோஷ்டிகள் இருந்த காரணத்தினாலேயே அவர் தலைவரானார்.

திமுகவிலும் அதே நிலை தான். எத்தனை இரண்டாம் கட்ட தலைவர்கள் தங்களுக்குள் ஒருவரை தலைவனாக ஏற்பார்கள். அவர்களால் ஸ்டாலினை மட்டும் தான் தலைவரின் மகன் என்ற முறையில் ஏற்க முடியும். அதில் அவர்களுக்கு சிரமும் இருக்காது. வாசனை ஒப்பிடும் போது ஸ்டாலின் நீண்ட அனுபவம் உள்ளவர். மக்களிடையே அறிமுகம் உள்ளவர். அதனால் திமுகவின் அடுத்த தலைவர் ஸ்டாலினாக இருப்பதை தடுக்க முடியாது.

ஆனால் தமிழக மக்கள் அவரை ஏற்பார்களா என்பது தான் விடை தெரியாத கேள்வி. அப்படி ஏற்பட்டாலும் இதில் வைகோ தான் முந்துவார். (ஈழ பிரச்சினையில் வைகோவின் கருத்து மாறாதவரை தமிழக சட்டமன்ற தலைவர் வாய்ப்பு வைகோவிற்கு குறைவே.)

ஏற்கனவே என்னுடைய இந்த பதிவில் ஸ்டாலின் பற்றி குறிப்பிட்டிருக்கிறேன்.
http://deedaya.blogspot.com/2006/03/blog-post.html

10:09 AM, March 26, 2006

SnackDragon said...

//ராமதாசை மட்டுமே அந்த மக்கள் ஏற்றுக் கொண்டார்கள் என்பதையும் கவனிக்க வேண்டும். அது போல தலித் சமுதாயத்தில் பல தலைவர்கள் இருந்தாலும் திருமாவளவன் தான் தலைவராக உருவாக முடிந்தது.
//அது சரி. ஆரம்பத்தில் கட்சி ஆரம்பித்தபோது இருந்தவர்களை ராமதாஸ் பிற்காலத்தில் ஏற்க மறுத்ததும் உள்ளது என்று ஒரு கருத்து கேள்விப்பட்டேன். :-)

10:54 AM, March 26, 2006

நெருப்பு சிவா said...

Sasi,

When the 'charismatic' leader themselves switch sides ignoring principles, you are projecting a bottom-layer party volunteer as the symbol for sticking to their principles.

If you observe the history of Tamilnadu politics, majority of those volunteers just kept 'mumm' when their leader took decisions that would normally againts party's baselined principles.

How many volunteers protested or quit DMK, PMK, MDMK, etc when these parties, against their own Dravidian principles, joined hands with 'Aryans' wellfare party BJP?

So, I take this as article as the expression of inability of a DMK volunteer anti-ADMK yet a VaiKo fan who views the prospects of Stalin becoming DMK party leader instead of VaiKo.

1:29 PM, March 26, 2006

தமிழ் சசி | Tamil SASI said...

தயா,

மூப்பனாரையும், வாசனையும் ஸ்டாலின் மற்றும் திமுகவுடன் ஒப்பிடுவது சரியான ஒப்பீடு அல்ல. மூப்பனார், வாசன் போன்றவர்கள் செல்வாக்கு மிக்க தலைவர்கள் அல்ல. காமராஜருக்கு பிறகு தமிழக தலைவர்களைச் சார்ந்து காங்கிரஸ் இயங்கியதில்லை. காங்கிரஸ் அகில இந்திய தலைமையைச் சார்ந்தே இயங்குகிறது.

1996ல் தமிழ் மாநில காங்கிரஸ் உதயமானது அதன் வெற்றி எல்லாமே "ஜெ எதிர்ப்பு" என்பதால் தானே தவிர மூப்பனார் மக்கள் மத்தியில் கொண்ட ஆதரவினால் அல்ல. அது போல தமிழக அரசியலில் தனக்கென ஒரு ஓட்டு வங்கியை காங்கிரஸ் பெற்றுள்ளது. அந்த ஓட்டு வங்கி தலைவர்களைச் சார்ந்து இயங்காமல் காங்கிரஸ் என்ற இயக்கத்திற்காகவே இயங்கி வருகிறது என்று நான் நினைக்கிறேன். மூப்பனார் தனித்து போட்டியிட்டு தோல்வி கண்டதையும் இங்கு கவனிக்க வேண்டும்

//
ஈழ பிரச்சினையில் வைகோவின் கருத்து மாறாதவரை தமிழக சட்டமன்ற தலைவர் வாய்ப்பு வைகோவிற்கு குறைவே.
//

ஈழப் பிரச்சனையில் வைகோவின் கருத்து ஏன் மாற வேண்டும் ? அதற்கு எந்த அவசியமும் ஏற்பட்டதாக தெரியவில்லை. ஈழ பிரச்சனை தமிழக அரசியில் எந்த எதிர் விளைவுகளையும் ஏற்படுத்தாது. அது போல ஈழப்பிரச்சனையால் வைகோவிற்கு தனி ஆதரவும் வந்து சேர்ந்து விடாது.

இது ஒரு உணர்வுப்பூர்வமான விஷயம். இது அரசியலாக்கப் பட வேண்டிய அவசியம் இல்லை.

3:06 PM, March 26, 2006

Gopalan Ramasubbu said...

It's evident that Vaiko is gonna come out of ADMK alliance after this election.what will be the mood of DMK's adimatta thondan then? In Vaiko vs Stalin episode common people will play more role than DMK cadres.

If Vaiko changes his stand on Eelam then he can go play volley ball,that's what MDMK cadres would prefer him to do.

8:23 PM, March 26, 2006

தயா said...

சசி,

நான் வாசனையும் ஸ்டாலினையும் அவர்கள் அரசியல் அனுபவத்தை கொண்டு ஒப்பிடவில்லை. மக்கள் அவர்களை ஏற்றுக்கொண்டார்களா என்பதும் முக்கியமல்ல. அந்த கட்சியின் தொண்டர்களின் பார்வையில் வாசனே தா.ம.க பின்னர் காங்கிரஸ் (அத்தனை கோஷ்டிகளுக்கும்) என தலைவராகிவிட்ட பிறகு, அடுத்த தலைமை என ஏற்கனவே ஆண்டாண்டுகளாக அறியப்பட்டிருக்கும் ஸ்டாலினை புறந்தள்ளிவிட்டு வைகோ அவ்வளவு சுலபத்தில் திமுகவை கைப்பற்ற முடியாது என்பதை தான். இந்நிலையில் வைகோவும் மதிமுகவும் அப்படி ஒரு கனவில் அங்கே இருப்பது அவர்கள் தங்களுக்கு தாங்களே மரண ஓலை எழுதுவற்கு சமம்.

அடுத்து வைகோவின் ஈழ நிலைப்பாடு:
நான் அதில் அரசியல் கலக்கவில்லை. அது தேவையில்லாதது. தமிழக மக்களுக்கு இலங்கை பிரச்சிணையில் எந்த அளவுக்கு ஆர்வம் இருக்கும் என நினைக்கிறீர்கள்?
அது தமிழர்கள் அல்லாமல் மலையாளியாகவோ தெலுங்கரகாவோ இருந்தாலும் அவர்கள் பிரச்சனை தீர்ந்து அமைதியாக வாழ விரும்புவோம். அவர்களுக்குகாக போராடுவது விடுதலை புலிகள் (மட்டுமே) என்பதையும் கூட ஏற்றுக்கொள்வோம். இயல்பான உணர்ச்சியது. மாறாக அவர்களை கொண்டாடுவதையோ, தமிழகத்தில் ஒரு போராட்ட களம் அமைத்து கொடுப்பதையோ யாரும் விரும்புவதாக தெரியவில்லை. இதே கருத்தை வைகோவும் ஏற்றுக்கொண்டால் மக்கள் அவரை ஏற்றுக்கொள்வார்கள். அது அல்லாமல் இங்கே கூட்டம் ஆர்பாட்டம் என்றால் ஒருவித பயம் தொற்றிக்கொள்கிறது. அதனாலேயே வைகோவை ஏற்பதில் மக்கள் தயக்கம் காட்டுகிறார்கள்.

9:40 AM, March 27, 2006

தயா said...

கோபாலன்:

அவர் அந்த நிலைப்பாட்டை விட்டுவிட்டால் "கொள்கையில் உறுதி"யும் போய்விடும் என்பதால் தான் நானும் அவர் சிறந்த பாராளுமன்றவாதியாக மட்டுமே பார்க்கிறேன்.

எஸ்.எஸ். சந்திரன் போன்றவர்களெல்லாம் அங்கே போய் வேடிக்கை பார்பதற்கு பதில் வைகோ போன்ற வாதத்திறமை உள்ளவர்கள் அங்கே இருந்தால் தமிழகத்திற்கு உதவியாக இருக்கும்.

9:45 AM, March 27, 2006

தமிழ் சசி | Tamil SASI said...

தயா,

ஈழம் குறித்த உங்கள் கருத்துக்களை என்னால் ஏற்றுக் கொள்ள முடியவில்லை. இது குறித்து நான் ஒரு பதிவு எழுத நினைத்துள்ளேன், அப்பொழுது அதைப் பற்றி விரிவாக எழுதுகிறேன்.

இங்கே கூட்டம், ஆர்ப்பாட்டம் போன்றவை நடந்தால் சிலருக்கு எரிச்சலாக இருக்கிறது என்று வேண்டுமானால் சொல்லலாம். மக்களுக்கு எந்த வித பயமும் இல்லை. ஏனெனில் புலிகளுக்கு எந்த வித போராட்ட களத்தையும் இங்கு யாரும் அமைத்து கொடுத்து விட முடியாது. அது அவசியமில்லாதது.

தார்மீக ஆதரவு, உணர்வுப்பூர்வமான ஆதரவு போன்றவை தான் தமிழகத்தில் இருந்து தேவைப்படுகிறது.

தமிழகத்தை நம்பியோ, இங்கு போராட்ட களத்தை உருவாக்க வேண்டிய அவசியமோ புலிகளுக்கு இல்லை

6:42 PM, March 27, 2006

Anonymous said...

ஸ்டாலின் மேயராக இருந்த போது, நல்ல பல ஆக்கப்பூர்வமான பணிகளை செய்தார் என்றே நான் நினைக்கிறேன். தி.மு.க. வில் கருணாநிதியின் நிழல் அவரை/அவர் திறமையை "overshadow" என்று தோன்றுகிறது.
வைகோ பற்றி பெரிய கருத்து ஒன்றும் இல்லை. மற்ற கட்சிக்கும் அவர் கட்சிக்கும் பெரிய வித்தியாசம் ஒன்றும் இருப்பதாக தோன்றவில்லை.
பொறுத்திருந்து பார்ப்போம், மற்ற எல்லாரும் என்ன நினைக்கிறார்கள் என்று.

7:01 PM, March 27, 2006

தயா said...

பாலம் கட்டியதை சாதனையாக சொல்கிறார்கள். நான் பெங்களுரில் கண்ட பாலத்திற்கும் சென்னையில் கண்ட பாலத்திறகும் தரத்தில் ஏக வித்தியாசம். இத்தனைக்கும் இரண்டையுமே செய்தவர்கள் எல்&டி குழுமத்தினர்.

அந்த பாலங்கள் உண்மையிலேயே போக்குவரத்து பிரச்சினைகளை சரிசெய்ததா என சென்னையிலுள்ளவர்கள் தான் சொல்ல வேண்டும். அதை வாக்கு சீட்டில் காட்டுவார்கள்.

9:29 AM, March 30, 2006

பாரதி said...

தலைவர்களின் தனிப்பட்ட கவர்ச்சி என்பது ஒரு முக்கிய அம்சம் தான். ஆனால் அதை விட தமிழக அரசியலின் கடந்த முப்பது ஆண்டுகால வரலாற்றைப் புரட்டிப் பார்த்தால் எதிர்ப்பு அரசியல் மட்டுமே தலைவர்களுக்கு மிகப் பெரிய அந்தஸ்தைக் கொடுத்திருக்கிறது என்று புரிந்து கொள்ள முடியும்.

கலைஞரை எதிர்த்து எம்.ஜி.ஆர் உருவாக்கிய எதிர்ப்பு அரசியலின் முனை மழுங்காமல் இன்று வரை காத்து வருகிறார் ஜெயலலிதா. அரசியல் நாகரீகங்களைக் கூட கருதாமல் இதுதான் தி.மு.க விற்கு கடைசித் தேர்தல் என்கிறார். இது தொண்டர்களை ஊக்கப்படுத்துவதோடு சாதாரண மக்களையும் பேச வைக்கிறது.
தி.மு.க. வைத் தவிர எங்களுக்கு யாருமே போட்டி இல்லை என்கிறார். இந்த அதிரடியை மக்கள் ரசிக்கிறார்கள்.

இதே போல் ஜெயலலிதாவிற்கு எதிரான எதிர்ப்பு அரசியலில் யார் தெளிவாகவும், ஆக்ரோஷமாகவும் இருக்கிறார்களோ அவர்கள் பின்னால் தொண்டர்கள் அணி திரளூவர். அது வை.கோ.வா? ஸ்டாலினா? பார்க்கலாம்.

கலைஞருக்குப் பின் தி.மு.க. வில் சிறு சிறு சலசலப்புகள் எழலாம். ஆனால் ஸ்டாலினின் தலைமைக்கு எந்த போட்டியும் இருக்காது.
சில தாவல்கள் நிகழலாம். அது தி.மு.க. கட்டமைப்பைப் பாதிக்காது.
ஆனால் ஜெ எதிர்ப்பு அரசியலில் தந்தையைப் போல் சாமார்த்தியமாய் காய் நகர்த்தும் சாதுர்யம் ஸ்டாலினிடம் உள்ளதா?
இது மட்டுமே அவரது தலைமையைக் காப்பாற்றும்.

வை.கோ. தொடர்ந்து தனது தொண்டர்களை ஊக்கப் படுத்திக் கொண்டே வந்துள்ளார். ஜெயலலிதாவிற்கு எதிரான சக்தியாக தன்னை நிலைநிறுத்திக் கொள்ள அவரும் தலைப்படுவார்.

எனவே தனக்கு எதிரியாக யார் இருக்க வேண்டும் என்று தீர்மானிக்கும் இடத்தில் ஜெயலலிதாவும் இருக்கிறார். இதுதான் தி.மு.க சந்திக்கும் கடைசித் தேர்தல் என்று அவர் கூறுவது அதனால்தான். தன்னுடைய எதிர்கால எதிரியைத் தேர்ந்தெடுக்கும் காரியத்தையும் சேர்த்தே இந்த தேர்தலில் ஜெ செய்கிறார் என்றே தோன்றுகிறது.

அடுத்த ஐந்தாண்டுகளில் "Survival of the fittest" என்பதற்கான சரியான விளக்கத்தை வை.கோ.வும், ஸ்டாலினும் நமக்குத் தருவார்கள். அது வரைக் காத்திருப்போம்.

2:12 AM, March 31, 2006

Post a Comment